Giorgi Meskhia 0

რეზიდენტურა ახალი სტანდარტებით!

863 signers. Add your name now!
Giorgi Meskhia 0 Comments
863 signers. Almost there! Add your voice!
87%
Maxine K. signed just now
Adam B. signed just now

საქართველოს განათლებისა და მეცნიერების სამინისტროს;

საქართველოს შრომის, ჯანმრთელობისა და სოციალური დაცვის სამინისტროს;

სსიპ სამედიცინო საქმიანობის სახელმწიფო რეგულირების სააგენტოს,

სამედიცინო პროფილის სტუდენტებისა და რეზიდენტების

პ ე ტ ი ც ი ა

მოგეხსენებათ რა არსებული სავალალო მდგომარეობა სარეზიდენტო პროგრამასთან დაკავშირებით, გადავწყვიტეთ აქტიურად ჩავერთოთ ამ პრობლემების გადასაჭრელად წამოწყებულ პროცესში.

ცხადია, ამჟამინდელი სარეზიდენტურო პროგრამა წარმოადგენს აბსოლუტურ კრახს და შეუძლებელია ვისაუბროთ სამედიცინო სფეროს ხელშეწყობაზე მსგავს პირობებში, ძირეული ცვლილებების გარეშე. მედ. პერსონალის მზადების სტრუქტურირებული და ადექვატური ცვლილება უნდა იყოს სახელმწიფო სტრუქტურების ინიციატივა და ეფუძნებოდეს სწავლის ხარისხის, პირობებისა და შესაბამისად სამედიცინო მომსახურეობის ხარისხის გაუმჯობესებისათვის მიზანმიმართულ საკითხებს.

ვინაიდან და რადგანაც ვერ ვხედავთ სახელმწიფო ორგანოების მხრიდან ვერანაირ ნაბიჯების არსებული მდგომარეობის გამოსასწორებლად, ვერთიანდებით საერთო მიზნის მისაღწევად და ვაყალიბებთ შემდეგ მოთხოვნებს:

1. გაუქმდეს რეზიდენტურაში სწავლის გადასახადი.
2. რეზიდენტს დაენიშნოს თუნდაც მინიმალური ანაზღაურება.
3. შეიქმნას დროში გაწერილი სარეზიდენტო სასწავლო გეგმა, რომელიც თანხვედრაში იქნება რეალურ მდგომარეობასთან და არ ექნება სიმბოლური დატვირთვა.
4. მოხდეს საკონონმდებლო დონეზე სამედიცინო განათლების დეფინიციის ცვლილება (6 წლიანი სამედიცინო განათლება უნდა ჩაითვალოს დასრულებულად რეზიდენტურის გარეშე.)
5.მოხდეს არაადექვატური საკვალიფიკაციო გამოცდის რემოდელირება.

იმედს ვიტოვებთ, რომ საკითხის სიმწვავის, ობიექტური გარემოებებისა და აქტუალურობის გამო დააკმაყოფილებთ ჩვენს მოთხოვნებს.
ხუთპუნქტიანი მოთხოვნების შეუსრულებლობის შემთხვევაში მივმართავთ პროტესტის ყველა ზომას: ჩავშლით საკვალიფიკაციო გამოცდას, რეზიდენტები შევწყვეტთ სარეზიდენტო პროგრამებს, გამოვიწვევთ სამედიცინო სასწავლო პროცესის პარალიზებას, გავმართავთ მასობრივ აქციებსა და საჯარო გამოსვლებს.
პროტესტი გაგრძელდება მანამ, სანამ არ მოხდება ჩვენი მოთხოვნების დაკმაყოფილება.

თითოეული ჩვენგანი პეტიციაზე ხელმოწერით ადასტურებს მზაობას გაიზიაროს პეტიციის შინაარსი.

Share for Success

Comment

863

Signatures