აიკრძალოს მათხოვრობა თბილისის ქუჩებში და მეტროსადგურებში
ქალაქ თბილისის მერიას
ასლი: საქართველოს პარლამენტს
ასლი: საქართველოს შინაგან საქმეთა სამინისტროს
ასლი: თბილისის მეტროპოლიტენის ადმინისტრაციას
.
თბილისში მათხოვრობამ ძალიან დიდი მასშტაბი მიიღო. პირები მათხოვრობენ ქუჩებში, სკვერებში, მოედნებზე, მეტროპოლიტენის სადგურებსა და ვაგონებში, ბანკებთან, ბანკომატებთან, კაფეებთან და რესტორნებთან, ეკლესიებთან და მაღაზიებთან. თბილისის ქუჩებში უკვე ათასობით ადამიანი მათხოვრობს. აღნიშნული ქმედება არსებითად არღვევს საზოგადოებრივ წესრიგს, ამახინჯებს თბილისის, როგორც ტურისტული ქალაქის მომხიბვლელობას. ალბათობის მაღალი ხარისხით ჩვენს თვალწინ ჩადიან ტრეფიკინგის, ანუ ადამიანით ვაჭრობის დანაშაულს. ორგანიზებული ჯგუფები მცირეწლოვანი, ხშირად ჩვილი, ბავშვების გამოყენებით ეწევიან მათხოვრობასა და წვრილმანი ნივთებით ვაჭრობას. არასრულწლოვნები სავარაუდოდ გაბრუებულები არიან ნარკოტიკული ნივთიერებებითა თუ ტრანკვილიზატორებით
ქუჩებში, სკვერებში. მეტროპოლიტენის საგდურებში მყოფი პოლიციის მუშაკები მშვიდად აკვირდებიან ტიტანურ მასშტაბამდე გაზრდილ მათხოვრობასა და მცირეწლოვანთა უფლების დაღვევის ფაქტებს.
თბილისის ქუჩებში მათხოვრობის დაშვება შეუძლებელია გამართლდეს არსებული სოციალური პრობლემებით. სახელმწიფო ხელისუფლების ორგანოები კანონმდებლობით განსაზღვრული უფლებამოსილებების ფარგლებში ვალდებულნი არიან გაატარონ ქმედითი ღონისძიებანი სიღარიბის აღმოსაფხვრელად. თბილისის ქუჩებში მათხოვრობა კი ვერ ჩაითვლება სიღარიბის აღმოსაფხვრელ ღონისძიებად, არამედ ეს უკანასკნელი კიდევ მეტი ზიანის მომტანია. მათხოვრობაში ჩართული არასრულწლოვნების ჯანმრთელობა საფთხის ქვეშაა, ისინი ვერ იღებენ განათლებას და აუცილებელ სოციალურ სერვისებს.
მოვითხოვთ, უფლებამოსილმა ორგანოებმა დაუყონებლივ დაარეგულირონ აღნიშნული პრობლემა, აკრძალონ მათხოვრობა თბილისის ქუჩებში და დაუყოვნებლივ გაატარონ ყველა ზომა თბილისში გამეფებული საზოგადობრივი წესრიგის უხეში დარღვევის ასალაგმად.
Comment