Վերաբացէք Արշակ Տիգրանեան Վարժարանը
Maxine K. signed
just now
Adam B. signed
just now
Կոչ Ամերիկայի Թէքէեան Մշակութային Միութեան Կեդրոնական Վարչութեան Անյապաղ ՎերաբանալուԱրշակ Տիգրանեան Վարժարանը
Ձեր վարչութիւնը Հոկտեմբեր 2015-ին հրապարակեց «ԹՄՄ Արշակ Տիգրանեան Վարժարանը Աւարտեց Իր Առաքելութիւնը» խորագրով չարաբաստիկ յայտարարութիւնը:
Անոր բովանդակութիւնը ո՛չ միայն կը գուժեր Հայ Դպրոցի մը մահը այլ մշակութային միութեան մը համար անվայել պատճառաբանութեամբ մը կ՛արդարացներ անոր վաճառքը:
Այս չարաբաստիկ եւ միայն առեւտրական նպատակներով իրագործուած վաճառքը կատարուած էր հակառակ Հայաստանեանց Առաքելական Սուրբ Եկեղեցւոյ Արեւմտեան Թեմի Բարեջան Առաջնորդ Յովնան արք. Տէրտէրեանի իր կոչումին վայել գործնական առաջարկին՝ բաց պահելու Հայկական այդ կրթօճախը:
Նկատի ունենալով, որ վերոյիշեալ չարաբաստիկ հաղորդագրութիւնը կը պարունակէր նաեւ հետեւեալը. «Ա. Տիգրանեան վարժարանի փակումը չի նշանակեր վախճանը մեր կազմակերպութեանկրթական առաքելութեան։ Շուտով կը կազմուի յատուկ յանձնախումբ մը, որուն պաշտօնը պիտի ըլլայ ուսումնասիրել հնարաւորութիւնները եւ յանձնարարութիւններ կատարել այնպիսի կրթական ծրագիրներու, որոնք հեռանկարներ կ՛ընծայեն Հարաւային Քալիֆորնիոյ հայհամայնքներէն ներս» ապա վերոյիշեալ թուականէն երկու տարի անց ժամանակն է ձեզի հարց տալ թէ ի՞նչ եղաւ ձեր խօսքերով «աւելի հայահոծ շրջանի մը մէջ» նոր վարժարան հիմնելու խոստումը...:
Հիմնուելով, վերոյիշեալին վրայ ստորագրեալներս ձեզմէ կը պահանջենք անյապաղ վերաբանալ Արշակ Տիգրանեան Վարժարանը յօգուտ հայ մատղաշ սերունդի հայեցի դաստիարակութեան:
Վերջապէս Հայոց Ցեղասպանութեան 102-րդ ամեակի ոգեկոչման այս օրերուն պէտք է լաւ իմանաք, որ Հայոց հասարակաց թշնամիէն՝ Թուրքէն մեր վրէժը կը լուծենք, երբ Սփիւռքի մէջ կը պահենք հայերէն լեզուի եւ հայկական մշակոյթի ներուժը, հայկական վարժարան չի փակելով, հայ աշակերտը հայկական վարժարանին մէջ կարենալ պահելով, խօսքէն գործի անցնելով եւ ճիշդ ձեւով վարելով մեր ազնիւ բարերարներուն եւ մեր մեծանուն նախնիներուն մեզի վստահած աւանդը:
Share on Facebook
Comment
See More 0