Bu petisiya Hüseyn Rəhimovun 13 Mart 2017-ci il tarixində Pərviz Hacıyevi əsassız şəkildə facebookda blok siyahısına salmasına etiraz olaraq yaradılmışdır.

Hadisənin təfərrüatı:

Pərviz Hacıyev Hüseyn Rəhimovun facebook divarına "Statuslarını oxuyanda niyəsə bu button (unfollow) yadıma düşür" başlığı altında screenshotu onun facebook divarında paylaşaraq Hüseyn Rəhimovu həddindən artıq futbol paylaşımları etməkdən çəkinməyə çağırmışdır. Qeyd edilməlidir ki, Pərviz Hacıyev bu paylaşımla nə Hüseyn Rəhimovu “unfollow” etməklə hədələmiş nə də “unfollow” etmişdir. Güman olunur ki, Pərviz Hacıyevin bu sərt addımı Hüseyn Rəhimovun gün ərzində Barselona futbol klubu ilə bağlı çox saylı, eyni/oxşar məzmunlu paylaşımlar etməsindən qaynaqlanmışdır. Aparılan monitorinqlər göstərir ki, Pərviz Hacıyevin Hüseynin facebook divarında bu paylaşımının xalq tərəfindən yekdilliklə dəstəklənməsinə baxmayaraq, Hüseyn Rəhimov nəinki əməlindən dönmüş, hətta Pərviz Hacıyevi blok siyahısına salmaqla təhdid etmiş və axşam 10 radələrində bu çirkin əməlini həyata keçirmişdir.

Bizim Tələbimiz:

Mançester Azərbaycan Cəmiyyətinin üzvləri olaraq Hüseyn Rəhimovu insan hüquqlarının və söz azadlığının təməl prinsiplərini ciddi şəkildə pozduğuna (1.1), xalqın tələbinə etinasız yanaşdığına (2.1) və Pərviz Hacıyevi paylaşdığı məlumata görə təhdid etdiyinə (3.1) görə ciddi şəkildə qınayırıq. Bu petisiyanı imzalamaqla Hüseyn Rəhimovun Pərviz Hacıyevi 14 mart gününün sonuna qədər blok siyahısından çıxarmasını tələb edir və bu tələbi yerinə yetirmədiyi təqdirdə profil istifadəsinin məhdudlaşdırılması üçün kütləvi şəkildə profilini facebook şəbəkəsində şikayət edilməsinə razılığımızı bildiririk. Mançester Azərbaycan Cəmiyyəti bu ədalətsizliyə hələ də dözür. Unutmayın ki, Hüseyn Rəhimov sizə də eyni ədalətsizliyi edə bilər!

Hörmətlə,

Nurlan Puchakhov