Þar sem ég er með Geðfötlun og sé um son minn er ég að biðla til fólks. Þar sem við erum bæði öryrkjar og búum á sama heimili fellur heimilisuppbót niður þar sem ég er með 18 ára mann inn á heimilinu. Ég er að reyna að reka heimilið fyrir mig og hann þar sem hann er háður búsetu frá ríkinu. Á meðan hann er í framhaldsskóla er hann á undanþágu í sambandi við að mín heimilisuppbót fellur ekki niður fyrr en klárar (eftir ár) hann er búin að missa sína. Hann er búin að missa stuðningsfjölskyldu þegar hann varð 18 ára.

Heimilið fær ekki umönnunargreiðslur vegna þjónustu við hann eftir 18 ára. Á meðan ég sem öryrki með öryrkja sem er fullorðin maður inni á heimili hjá
skerðist ég um 48.564 á mánuði og sonur minn skerðist líka um 48.564 kr á mánuði þar sem hann er inni á heimili hjá mér, á meðan ríkið borgar rúmlega 400 þúsund ef hann væri á sólahrings heimili fyrir mann með sömu þjónustuþörf.

Ég er búin að reyna að fara á vinnumarkaðinn að reyna að bæta mér þessa skerðingu upp en þegar ég vann mér inn 66.000 kr fór hluti af því í skatta og framfærsluuppbót datt svo niður, króna á móti krónu, við það að fara að vinna sem þýðir að ég var að fá 10.000 útborgað. Ég veiktist við þetta þar sem ég hætti á lyfjum til að geta unnið.

Búsetumál eru í ólestri og langir biðlistar. Hann á rétt á NPA (Notendastýrð persónuleg aðstoð) Félagsráðgjafi telur að hann geti ekki nýtt sér það. Er ekki tími til komin að gera undanþágu á að heimilisuppbót falli ekki niður þar sem einstaklingurinn er háður búsetu á meðan hann fær ekkert annað.