ექიმი ვახტანგ ყიფიანი უსაფუძვლოდ დააკავეს პროცედურისთვის, რომელიც მას არ ჩაუტარებია.

2020 წლის 3 აგვისტოს, საქართველოს პროკურატურამ ექიმი ვახტანგ ყიფიანი უკანონო ბრალდებით დააკავა:

1) ბრალდების მიხედვით, თითქოს „თანხის მითვისების“ მიზნით მან „დაარწმუნა“ პაციენტი, რომ ოპერაცია ჩატარდებოდა იტალიელი სპეციალისტების ჩართულობით და ნაცვლად ამისა თავად განახორციელა მანიპულაცია.

ბრალდება უსაფუძვლოა:

• მრავალი მოწმის ჩვენების, საზღვრის კვეთის და სხვა დოკუმენტაციის მიხედვით ცალსახად დასტურდება რომ იტალიელი სპეციალისტი იმყოფებოდა პროცედურაზე და მართავდა საოპერაციო ბრიგადას;
• სამედიცინო მომსახურების ღირებულება პაციენტს გადახდილი აქვს კლინიკის ანგარიშზე, ყველა წესის დაცვით.

2) ბრალდების მიხედვით, ასევე, ვახტანგმა თითქოს განახორციელა არასერთიფიცირებული საექიმო საქმიანობა - სიმსივნური წარმონაქმნის აბლაცია.

ბრალდება უსაფუძვლოა:

• ვახტანგის სერთიფიკატები და კომპეტენცია სრულიად საკმარისია აღნიშნული პროცედურის ჩასატარებლად.

ვახტანგ ყიფიანს პროცედურა არ დაუწყია. პაციენტის მდგომარეობა გართულდა პროცედურის დაწყებამდე.

პეტიციაზე ხელმოწერით ვითხოვთ:

უსამართლოდ დაკავებული ვახტანგ ყიფიანის წინასწარი პატიმრობიდან გათავისუფლებას სასამართლოს მიერ გადაწყვეტილების მიღებამდე.