დეპუტატი სოსო ჯაჭვლიანის მიერ ა.წ. 22 ივლისს, საქართველოს პარლამენტში გაკეთებული განცხადება "... ჩემთვის შეურაცხმყოფელი იყო 10 მანეთის გადახდა. 10 მანეთის გარეშეც ვახერხებდი ამ საკითხებს. ისე, თუ ვინმე ლამაზი ქალი იყო საბჭოთა კინოში, ყველასთან ვარ ნამუშევარი 10 მანეთის გარეშე.... მე EBRD-ზე ვერასოდეს ვერ ვიქნები. ერთგული მეუღლე ვარ...." ახდენს მისი სრული არაკომპეტენტურობისა და პარლამენტის დეპუტატისთვის საბაზო ინფორმაციის არ ფლობის დემონსტრირებას.

რაც მეტად მნიშვნელოვანია, დეპუტატი ავლენს სექსისტურ და დისკრიმინაციულ განწყობებს; და ბოლოს, რამდენადაც ციტირებული ფრაზის პირველი და ბოლო ნაწილები ერთმანეთს ეწინააღმდეგება, დეპუტატი ავლენს ლოგიკური და თანმიმდევრული აზროვნების არ ქონას.

ასეთი დეპუტატის არსებობა უქმნის რისკს პარლამენტის პროდუქტიულ მუშაობას, რაც საფრთხეა ქვეყნის განვითარებისთვის. ასეთი პირის არსებობა პარლამენტში არის ქართველი მოსახლეობის მიერ გადახდილი გადასახადების არამიზნობრივი ხარჯვა და იწვევს ამომრჩევლის იმედგაცრუებასა და მოქმედი საკანონმდებლო ხელისუფლების დისკრედიტაციას.

ამიტომ მიგვაჩნია, რომ მოქალაქე ჯაჭვლიანმა უნდა დატოვოს დეპუტატის მანდატი.