Ég styð þá ákvörðun fræðsluráðs að láta verða að sumaropnunum í leiksskólum Hafnarfjarðar.

Við foreldrar, núverandi og tilvonandi leikskólabarna í Hafnarfirði viljum með undirskrift okkar sýna stuðning okkar við ákvörðun fræðuslráðs um sumaropnun í leikskólum Hafnarfjarðar sumarið 2021.

Okkur finnst mikilvægt að gera allt sem hægt er til að:

Auka samveru foreldra og barna.

Minnka streitu þeirra barna sem annars þurfa að þvælast milli ættingja, vina, gæsluvalla, vinnustaða foreldra og barnapía þegar mamma og pabbi geta ekki verið í fríi á þeim tíma sem leikskólar loka.

Gera börnunum kleift að vera í sínu örugga umhverfi sem leikskólinn er, með starfsfólki sem það þekkir úr leikskólanum á meðan mamma og pabbi vinna.

Gera börnunum kleift að vera saman í fríi með foreldrum.

Minnka streitu foreldra við skipulagningu fría.

Minnka fjárhagsáhyggjur þeirra foreldra sem þurfa að öðrum kosti að greiða fyrir barnagæslu meðan leikskólinn lokar og greiða fyrir leikskólann þegar þau síðan fara í frí. Þetta minnkar töluvert líkurnar á því að sumar fjölskyldur geti tekið frí saman.

Annað sem vert er að skoða:

Með breytingunum ávinnst margt annað gott, td. að auðveldara verður fyrir foreldra sem eru í námi að fá sumarvinnu og verða sér útum dýrmæta reynslu tengda sínu námi yfir sumartímann. Þetta fólk hefur ekki fengið sumarvinnu hingað til vegna þess að það þarf að vera í fríi í júlí. Eða það sem verra er, sum þeirra hafa ekki haft efni á að sleppa sumarvinnu og vera í fríi með börnunum sínum en geta nú fengið sumarvinnu hluta sumars en tekið frí með börnunum sínum utan aðal sumarfrístímans.

Það er ekki hægt að gera þá kröfu á vinnuveitendur að gefa fólkinu alltaf frí í júlí, sumir ráða ekki fólk í vinnu sem á leikskólabörn því það er svo mikið vesen að einhver annar(leikskólarnir) ákveði hvenær starfsmaðurinn fer í sumarfrí.

Núverandi fyrirkomulag veldur mikilli streitu á vinnustöðum þar sem foreldrar leikskólabarna þurfa að berjast um júlí-fríið til að geta verið með fjölskyldunni í fríi. Með breytingunni skapast jákvæðara og betra andrúmsloft á vinnustöðum.

Leikskólar í Danmörku og Þýskalandi hafa starfað svona svo árum skiptir við mikla ánægju. Bæði þessi lönd koma betur út í PISA könnun, svo breyting á skólastarfi yfir sumartímann hefur ekki neikvæð áhrif á getu barna í skóla.

Það er ekki rétt að þetta sé án samráðs, leikskólakennurum gafst tækifæri til að tjá sig um málið í könnun sem gerð var í fyrra en í þessari könnun voru bæði fjölvarpsspurningar og opinn texti þar sem hægt var að segja hug sinn, svarhlutfall þeirra var því miður mjög lélegt.

Bæjarfulltrúi hefur sett það skýrt fram að hlustað verði á sjónarmið allra og að breytingin verði unnin í samstarfi við okkar frábæra fagfólk og foreldra. Við teljum því að þetta séu ótímabær mótmæli þar sem breytingin er ekki full mótuð og að það er rúmt ár til stefnu.

40% starfsmanna leikskólanna vill vera í fríi í júní eða ágúst, starfsfólkið svaraði því í nafnlausri könnun án alls þrýstings, sem gerð var í fyrra. Breytingin eykur líkur á að starfsfólk leikskólanna geti tekið frí með sínum maka og fjölskyldu.

Foreldrar eru hvattir til að stytta viðveru barna í leiksóla og taka auka frí kringum hátíðir því það er mikilvægt fyrir börnin að verja meiri tíma með foreldrum, á sama tíma er talað gegn breytingum sem einmitt auka samveru foreldra og barna.