Pjetër Bogdani, si një ndër figurat më të shquara të popullit tonë dhe si personalitet që është simbol i rezistencës arbërore kundër agresionit osman, mbetet pa një varr. Më e pakta që mund të bëjmë është që, në afërsi të vendit ku ishte varri i tij deri në momentin e zhvarrosjes nga osmanët, të ndërtohet një bust dhe një pllakë përkujtimore në nder dhe kujtim të rezistencës shqiptare, me në krye Pjetër Bogdanin. Meqenëse ish-katedralja e Shën Françesk Ksaverit në Prishtinë, ku ishte varrosur Pjetër Bogdani, është aktualisht xhamia e Sulltan Mehmet Fatihut II, vendi më i përshtatshëm do të ishte në afërsi të Sahat Kullës.

Përmes këtij peticioni, të gjithë të nënshkruarit i drejtohemi Komunës së Prishtinës që të mundësojë një vlerësim minimal dhe të rikuperojë sadopak dhimbjen nga përdhosja e varrit të Pjetër Bogdanit.