Við undirritaðir íbúar Langanesbyggðar skorum á yfirmenn Samkaupa að bjóða íbúum upp á lægra vöruverð með því að opna Kaskó- eða Nettó verslun í sveitarfélaginu. Við búum ekki við sömu kjör og tíðkast hjá Samkaup- Strax á stærri stöðum þar sem verslanirnar eru opnar allan sólarhringinn, við hinsvegar greiðum sama verð fyrir vöruna sem er alltof alltof hátt og veldur því að fjölskyldur leita um langan veg að ódýrari matvöruverslunum. Það er kominn tími á að knýja fram breytingar í formi lægra vöruverðs!