Ние, граѓаните на Битола/Македонија, решително се спротивставуваме на изградбата на регионалната депонија на предложената локација. Овој проект претставува сериозна закана за нашето здравје, животната средина и иднината на нашата заедница.

Загрижени сме поради следните причини:

• Потенцијално загадување на подземните води и почвата;

• Непоправлива еколошка штета врз локалниот екосистем;

• Загрозување на квалитетот на животот во околните населени места;

• Намалување на вредноста на имотот и ризик за земјоделското производство;

• Недостаток на транспарентност, јавна дебата и консултација со засегнатите граѓани.

Веруваме дека постојат подобри, еколошки и технички поадекватни решенија кои нема да ја жртвуваат безбедноста и добросостојбата на луѓето.

Со оваа петиција бараме:

• Итно стопирање на процесот за изградба на депонијата на спорната локација;

• Вклучување на граѓаните, експертите и локалните заедници во изборот на соодветна алтернатива;

• Транспарентен, демократски и одржлив пристап кон управување со отпад.