Við undirritaðir íbúar í Borgarbyggð viljum mótmæla skipulagsáformum, sem kynnt hafa verið og gera ráð fyrir allt að 7 hæða háhýsum á lóðunum Borgarbrautar 55 – 59.

Í kynningu á breytingu deiluskipulagsins er talað um minnkað byggingarmagn frá því sem áður var áætlað, en við teljum það þvert á móti aukið. Skv. aðalskipulagi 2010-2022 er nýtingarhlutfall miðsvæðis 1,0 en þarna virðist það fara langt yfir það. Er þá spurning hvort þettta deiliskipulag standist skv. núverandi aðalskipulagi.

Við teljum að byggingar í þeirri hæð sem þarna eru áætlaðar verði lýti á miðbænum og ekki í samræmi við bygginarhefð í bænum.

Bílastæði virðast vera of fá þrátt fyrir mikið malbik, en aðgengi erfitt frá Borgarbraut.

Þá er ljóst að umferðarþungi mun margfaldast á svæði sem þegar ber illa þá umferð sem þar fer um.

Við álítum svæðið vindasamt og teljum háhýsi auka vindhviður.

Mikilli hæð húsa og miklu bygginarmagni á reitnum Borgarbraut 59 var kröftulega mótmælt af nágrönnum í kynningarferli skipulags 2005 og 2006. Auk þess var sveitastjórn afhentur listi 1.febrúar 2006, þar sem 144 íbúar andmæltu háhýsabyggð (ekki var gengið í hús með lista). Ekkert tillit virðist hafa verið tekið til þess á seinni stigum skipulags. Við væntum þess að tekið verði tillit til vilja íbúa í þetta sinn.

sjá nánar: http://borgarbyggd.is/Files/Skra_0073416.pdf