Mir, Piraten, Matrousen, Elteren an Sympathisanten fum Glaawen un d'Fleihend Spaghetti Monster, fuerderen, dass d’Wahlfräiheet tëscht dem Reliounsunterrecht an der Education Morale et Sociale an der ëffentlecher Schoul erhale bleift.
Mir fuerderen och dat eis Relioun een festen Bestanddeel vum Reliounsunterrecht get an dat sou d'Kanner frai entscheeden kënnen welsch Relioun vill mei cool ass.

Déi fräi Wiel ass Ausdrock vu géigesäitegem Respekt a geliefter Demokratie. Eenheet entsteet an der Villfalt.

Zum Choix muss och weiderhin de Reliounsunterrecht gehéieren. Et ass der Schoul hir Aufgab, déi Jonk an hirer Sich no Sënn ze begleeden an opzeklären. Dofir huet d‘Schoul den Optrag, de Jonken net nëmmen rengt Wëssen, mee eng ganzheetlech Bildung ze vermëttelen a fir d’Qualitéit vun dëser Bildung Suerg ze droen. An eng Qualiteitsbildung kann eben net stattfannen ouni dat d'Kanner och iwert d'FSM obgeklärt gin.

Wäerter sinn ni neutral, an dofir huet de Staat an d'Kathoulesch Kirch net de Monopol ze decidéieren, wéi eng Wäerter an der Schoul solle vermëttelt ginn a wéi eng net.

D’Elteren matt de Kanner an déi Jonk mussen d’Recht behalen mat ze decidéieren, wann et em existenziell Froën geht an wei een den Wee am Himmel bei den Béiervulkan fënnt!