Það er eðlileg krafa og löngu tímabært að Sveinbirni Sigurðssyni góðborgara, skákmeistara og íþróttaáhugamanni verði sýnd tilhlýðilega virðing af Ríkisútvarpi allra landsmanna. Þessi frábæri maður hefur verið áberandi í mannlífi Akureyrar undanfarna áratugi og lagt sitt af mörkum til samfélagsins án þess að hljóta fyrir það tilhlýðilega virðingu. Hann hefur verið mörgum íþróttamanninum á Akureyri hvatning til að gera sitt besta og á það jafnt við um skákmenn, knattspyrnumenn og handknattleiksmenn. Það er því krafa okkar að RÚV framleiði og taki til sýningar þætti um lífshlaup þessa merka manns. Einnig verður það að teljast einkennilegt að Sveinbjörn sé ekki nú þegar handhafi hinnar íslensku fálkaorðu og er brýnt að þar verði breyting á.