KAMI AY MGA NAGMAMALASAKIT NA MAMAMAYAN NG ROXAS, PALAWAN.

KAMI AY MALAYA AT KUSANG-LOOB NA PUMIRMA SA IBABA UPANG IPAHAYAG ANG AMING MAHIGPIT AT MARIING PAGTUTOL SA GAGAWING PANGUNGUTANG NG AMING LOKAL NA PAMAHALAAN NG HALAGANG 120 MILLION PESOS MULA SA DEVELOPMENT BANK OF THE PHILIPPINES (DBP) PARA SA PLANONG PAGPAPALAWAK NG PAMPUBLIKONG PALENGKE, SAKAYAN O TERMINAL AT SEMENTERYO.

KAMI AY NANINIWALANG MAAABUSO AT GAGAMITIN LAMANG SA PANG-PERSONAL NA HANGARIN NG ILANG PULITIKO ANG MALAKING BAHAGI NG PERANG UUTANGIN.

NOONG 2012 AY NANGUTANG DIN NG HALAGANG P101,000,000.00 (ISANG DAA'T ISANG MILYONG PISO) ANG AMING LOKAL NA PAMAHALAAN PARA SA PLANONG "WORLD CLASS MARKET" SUBALIT HINDI KANAIS-NAIS ANG KINALABASAN NG NASABING PROYEKTO AT HANGGANG SA NGAYON AY HINDI PA NABABAYARAN ANG NAUNANG PAGKAKA-UTANG AT NAIS NA NAMAN NG AMING LOKAL NA PAMUNUAN NA UMUTANG NG PANIBAGO.

KAMI AY NANINIWALANG HINDI KAPAKANAN NG BAYAN ANG INIISIP NG AMING LOKAL NA MGA NAMAMAHALA KUNDI ANG KANILANG PANSARILING INTERES LAMANG DAHIL SA NALALAPIT NA ANG ELEKSYON AT MALAMANG MAGAMIT ITO SA ELEKSYON.

NAWAY MAMAGITAN ANG POONG MAYKAPAL AT HIPUIN ANG PUSO NG MGA TAONG KINAUUKULAN UPANG HUWAG HAYAANG MATULOY O MA-APRUBAHAN ITO AT MAIWASAN ANG DI TAMANG PAGGAMIT NG PONDO NA GALING SA PERANG UUTANGIN.