السلام عليكم هالوثيقة الالكترونية هدفها من و الى طلبة الجامعة الامريكية في الكويت نطالب فيها اشياء ناقصتنا فعلا بدون مجاملة و تسبب صعوبة و شحنات في مستوى الدراسي و تأثر فينا بطريقة او اخرى : 1.نحتاج كلاسات اكثر غرف صغيرة تكفي 25 و 30 طالب ليست كافية خاصة ان اكثر من ربع الجامعة تحتاج كلاسات العامة مثل اللغات العلوم و غيره و بعضنا الكلاسات تفتح مواد و يتعلق كورس بس عشان ماده 2. اغلاق الجامعة يعني يصير كل مكان مكيف و مغطى و يمنع اي عامل جوي يأثر علينا ﻷن احنا بالكويت طقسنا ييهذل الواحد على مدار السنة من الحر و التراب و المطر. 3.بناء مبنى جديد حيث يتم توفير فيه ما نحتاجه مثل وسائل الراحة و الغذاء و مسرح جديد محترم مجهز بشاشة عرض محترمة. 4. مسافط جديدة و وضع بوابات للمسافط عشان مو كل هب و دب يدخل المسافط و يروح عمارة و لا المدرسة و لا الفندق و لا كل ساعة ماره دورية يسوي جاو. 5. الغاء نظام البصمة و الحضور الاجباري : احنا بجامعة تدعم الحرية بجميع اشكالها و احنا باعمار واعية كفاية عشان نفهم الحضور يفيد بس ان اسقط اذا غياب 6 مرات و تنقص درجات على كل غياب هذي مهزله و الاكبر من جذي نظام بصمة للحضور