TTT Group – Tama Tonga Tu’u ‘o Ngaue ….

433 Mt Albert Road

Mt Albert

Auckland

New Zealand

Email: [email protected]

Mobile: 021 150 6360

19 Sune 2019

Lord Fakafanua

‘Eiki Sea

Fale Alea ‘o Tonga

NUKU’ALOFA

His Majesty

Kingi Tupou VI

‘Ofisi Palasi

NUKU’ALOFA

‘Oku mau kole ke mau hu atu ‘i he KUPU 8 ‘o e Konisitutone ‘aia ‘oku peheni:

“‘Oku ngofua ki he kakai kotoa pe ke fai ‘enau tangi

‘Oku ngofua ki he kakai kotoa pe ke fai ‘enau tohi pe ko ‘enau tohi kole ki he Tu‘i pe ki he Fale Alea pea ke fakataha ‘o alea ki he me‘a ‘oku ha mai kiate kinautolu ‘oku totonu ke nau kole ki he Tu‘i fai pe ki he Fale Alea ko hono fokotu‘u pe ko hono ta‘ofi kapau ‘oku nau fakataha melino pea ta‘e ha mahafu tau mo ta‘e maveuveu.”

Kaveinga:

‘Oku ‘oatu ‘a ‘emau fakatangi ‘I he Tohi Tangi ni ‘a e kotoa ‘o kimautolu ‘oku mau fakamo’oni hingoa atu ‘I ai ‘a homau loto ke:

• Fai hano fakapapau’i faka ‘Ofisiale ‘a e tu’unga ‘oku ‘I ai ‘a e mata’itohi Toketa (Doctorate) koia ‘o Hon Tu’i Uata he ‘oku ‘ata mai ki tu’a ‘a e ta’e taau ‘a e ‘ilo ‘oku ne talamai ki he kakai ‘o e fonua pea mo e founga ‘oku ne fai ‘aki ‘a ‘ene fakahoko fatongia. ‘Oku kau foki ‘I he ‘ulungaanga ko eni ‘a e ngaahi fakafepaki lalahi pea mo hono tataki hala’I ‘a e kakai ‘o e fonua ‘aki ‘a ‘ene fakamahamahalo’I hala’I ‘ae Lao pea moe Konisitutone.
• ‘Oku mau loto ke fakapapau’i ta’e toe veiveiua ‘aki ‘a hono tukumai ‘a e tatau ‘o ‘ene Certificate mei he ‘Univesiti na’a ne ma’u mata’i tohi mei ai.
• ‘Oku mau kole ke fakahoko eni ‘I he vave taha telia e ngaahi pisinisi ‘a e Pule’anga ‘oku ne tokanga’i.
• ‘Oku mau tui fakapapau ‘oku fai ‘e Hon Tu’I Uata ‘a e ngaahi tu’utu’uni ta’e fakapotopoto pea ‘oku ‘ikai malava ke tu’uloa ‘a e ngaahi investment ‘oku ne fai hono tu’utu’uni pea ‘oku mau tui ai ‘oku ‘ikai hohoamalie ‘ a e ‘ilo ‘oku ne ma’u pe a mo ha mata’itohi ‘o ha Toketa ‘o fakatatau ki he ngaahi pole ‘a e poto ‘oku ne ma’u ‘I he lahi ‘o e ngaahi talanoa ‘oku ne fakahoko mai ki he fonua.
• 'Oku mau kole foki heni ke fai hano vakai'i mo fakatotolo'i ha fekau'aki 'a Tu'i Uata pea moe ngaahi tutu he 16/11 'o Nuku'alofa 'aee na'e pekia ai ha toko 8 ko e 'uhinga ko e ngaahi 'isiu eni 'oku 'ohake 'ehe kakai tokolahi pea 'oku mahu'inga ke fai ha sio kiai.

‘Oku mau lotonga fai hano fakahoko ‘a ‘emau fakatotolo ‘aia ‘oku mau ngaue ‘aki ha kautaha Private Investigator ‘I Nuu Sil ani ‘aia koe kautaha Laiseni Lesisita eni ‘I he mala’e ‘o e fakatotolo. Ko e ngaue ko eni ‘oku mau totongi pe ‘I he laui afe.

Ka ‘I ha hili ‘a hono fakapapau’I ‘a e tu’unga fakaako ‘oku ‘I he Minisita ‘oku ‘ikai mo’oni ‘oku mau kole ke fai hano faka’ilo faka Fale Alea ‘o e Minisita ko eni.

'Oku mau tui ko e fatongia 'o e Fale Alea ke nau fai ha ngaue ki he'emau Tangi 'oku fai atu ko eni.

I he loto faka’apa’apa,

Siosiua U Toki

Palesiteni

Pea mo kimautolu kotoa pe ‘oku fakamo’oni hingoa atu ‘I he Tohi Tangi ni.