Assebleia Deliberativa em Setembro
Proposta De-LIBERA. Por unha Asemblea Deliberativa antes da Asemblea Nacional de 11 e 12 e Outubro
Anova necesita deliberar para entenderse a si mesma. Un grupo de militantes, de diversos puntos do país e das diversas perspectivas ideolóxicas da nosa organización, recollemos aquí unha vontade nacida na militancia de base. Concordamos na necesidade dunha Asemblea Deliberativa antes da Asemblea Nacional. Con este obxectivo, poñémonos en contacto con toda a militancia e coas Asembleas Locais da nación para socializar esta demanda e transmitíla á Coordenadora Nacional, que poderá tomar unha decisión ao respecto o próximo 12 de xullo.
Precisamos unha Asemblea Deliberativa como un espazo de posta en común das ideas e das persoas, das mensaxes e tamén das formas. Queremos escapar das estratéxias clásicas de confrontación entre polos de poder, orientadas só a totalizar os momentos de votación, queremos liberar deses vicios á futura AN de Outubro. Queremos devolver a forza á palabra, necesitamos encontrarmonos e falarmos con todas esas persoas que, acumulando as experiencias e emocións dun ano de traballo mais tamén as dores ou decepcións dun periodo no que houbo serios conflitos internos, conservan a coraxe de continuar acreditando en Anova como forza imprescindíbel para o futuro do noso País.
Existen, sabémolo, na nosa organización diversas formas de ver a nosa estrutura interna así como as formas de establecer a soberania do pobo e as asembleas sobre os representantes institucionais. Existen propostas de mellora e democratización interna, existen posturas concretas e diferentes sobre como debemos relacionarnos internamente, con outras organizacións e co pobo galego, do que facemos parte. De como podemos potenciar e convertir en eficaz o noso traballo. Mais na hora da verdade, só existirá aquilo que sexa coñecido por todas e todos.
A Asemblea Deliberativa será a forma de coñecer en colectivo, un debate en comunidade da militancia, coas e cos simpatizantes e coa sociedade galega activa. Un encontro aberto á cidadania, na liña do proxecto orixinal que representa Anova, onde fluan as ideas e as propostas. Sirva esta Deliberativa, por tanto, para prepararmos unha Asemblea Nacional onde prime o diálogo e as formas cooperativas e como Anova demostremos que fican desterrados para sempre os malos hábitos dos vellos partidos da esquerda, as manobras escuras, as descalificacións e a falta de Irmandade. Só transcorreu un ano desde a I AN e, con todo, xa somos unha organización que madurou, pois maduramos no doce e tamén no amargo. É tempo de falarmos.
A segunda metade de Setembro é un momento óptimo e, con votade, perfectamente factíbel. Apoiade unha Asemblea Deliberativa, porque en Anova non lle temos medo ao intercambio de ideas.
Proposta De-LIBERA. Por uma Assembleia Deliberativa antes da Assembleia Nacional de 11 e 12 e Outubro
Anova necessita deliberar para entenderse a si própria. Um grupo de militantes, de diversos pontos do país e das diversas perspectivas ideológicas da nossa organizaçom, recolhemos aqui uma vontade nascida na militância de base. Concordamos na necessidade duma Assembleia Deliberativa antes da Assembleia Nacional. Com este objectivo, ponhemo-nos em contacto com toda a militância e com as Assembleias Locais da naçom para socializarmos esta demanda e transmití-la à Coordenadora Nacional, que poderá tomar uma decisom ao respeito o próximo 12 de Julho.
Precisamos uma Assembleia Deliberativa como um espaço de posta em comum das ideias e das pessoas, das mensagens e também das formas. Queremos escapar das estratégias clássicas de confrontaçom entre polos de poder, orientadas só a totalizar os momentos de votaçom da futura AN de Outubro. Queremos devolver a força à palavra, necessitamos encontrarmo-nos e falarmos com todas essas pessoas que, acumulando as experiências e emoções dum ano de trabalho mas também as dores ou decepções dum periodo no que houvo sérios conflitos internos, conservam a coragem de continuar acreditando em Anova como força imprescindível para o futuro do nosso País.
Existem, sabemo-lo, na nosa organizaçom diversas formas de ver a nosa estrutura interna, assim com as formas de estabelecer a soberania do povo e as assembleias sobre os representantes institucionais. Existem propostas de melhora e democratizaçom interna, existem posturas concretas e diferentes sobre como devemos relacionar-nos internamente, com outras organizações e com o povo galego, do que fazemos parte. De como podemos potenciar e converter em eficaz o nosso trabalho. Mas na hora da verdade, só existirá aquilo que seja conhecido por todas e todos.
A Assemblea Deliberativa será a forma de conhecer em colectivo, um debate em comunidade da militância, com as e os simpatizantes e com a sociedade galega activa. Um encontro aberto à cidadania, na linha do projecto original que representa Anova, onde fluam as ideias e as propostas. Sirva esta Deliberativa, portanto, para prepararmos uma Assembleia Nacional onde prime o diálogo e as formas cooperativas e como Anova demostremos que ficam desterrados para sempre os maus hábitos dos velhos partidos da esquerda, as manobras escuras, as desqualificações e a falta de Irmandade. Só transcorreu um ano desde a I AN e, contodo, já somos uma organizaçom que madurou, pois maduramos no doce e também no amargo. É tempo de falarmos.
A segunda metade de Setembro é um momento ótimo e, com vontade, é perfeitamente factível. Apoiade uma Asemblea Deliberativa, porque em Anova nom lhe temos medo ao intercâmbio de ideias.
Share on FacebookNo signatures yet. Be the first one!
Comment
See More 0