خطوة ممتازة. كفاية تستر على أشكال زي دي بحجة السمعة أو الحفاظ على صورة المؤسسات. الدين بريء من الناس اللي بتستغل سلطتها عشان تعتدي على غيرها.

الموضوع ده ميتسكتش عليه بجد لان الناس دي بتستخدم الدين كستار عشان يداروا بلاويهم. ازاي حد زي ده لسه بيطلع يتكلم عن الأخلاق والروحانيات وهو أصلاً دمر حياة بنات كتير؟ لازم يتمنعوا فوراً.

أشكرك يا أ. شيرين على تعليقك. تأييدا لكلامك، الموضوع مش بس لا يمكن قصره على فكرة توبة الجاني ولا النصيحة في السر، حد سمع عن التوبة علنًا؟ حد سمع عن اعتراف بالأخطاد؟ حد سمع إعتراف بسوء استخدام السلطة واستخدامها--بالتستر وراء كلام خبيث بالعلاج والطاقة والسماح بلمس المحرمات--في أغراض دنيئة؟ ممكن لما نسمع بده، ويكون في اتفاق بين الضحايا والجهة اللي طردته... مكن ساعتها نسامح. التصوف وتزكية النفس مش مجرد إعادة هضم كتابات. إحنا نع التشهير أيضًا دفاعًا عن أي ضحايا جدد محتملين. هذا داء خبيث ولم يفلح صاحبه حتى في أول خطوة من علاجه: الاعتراف العلني.

اللي رجع وندم وتاب إلى الله..أول شرط من شروط التوبة هو من تاب وأصلح..أو من تاب وعمل صالحا...لما ييجي الأمر يا سيدتي الفاضلة لحقوق الغير يبقى مش كفاية التوبة إلى الله! لازم التوبة مع الإعتراف والإعتذار للأشخاص المعتدى عليهن...لكن الكلام ده محصلش ولا حصل.... ثانيا: خطورة ان المتحرش يكون شخصية دينية انه ممكن يفتن بسهولة أي حد في دينه ويخلط عليه الأمور ويفقد ثقته وايمانه للأبد! أخيرا التعاطف لابد انه يبقى مع الضحايا حضرتك مش مع الجاني...لكن نلوم اللي وقع عليهم الأذى ولا نلوم الشخص ولو لدقيقة حتى ده بيخلي اللي عاوزة تتكلم متتكلمش للأبد خوفا من الملامة وخوفا من تعليق زي كدة وختاما انا مع التشهير والتجريس في الحالات اللي زي كدة اذا لم يتق هذا الشخص ربنا ويعتذر للبنات والسيدات اللي أذاهن

.شكرًا إنك اخدت الوقت إنك تعلقي. أولًا، ولتبين سوء فهم أساسي، منشأ العريضة ذكر. ثانيًا، الحكايات حقيقية وتسببت في طرده من مؤسسة دينية. ثالثًا، مقولة لو حقيقي ليه الناس متقدمتش وبلغت غير واعية بحقيقة إن الغالبية الأعظم من الحالات بتضطر تسكت لعدة أسباب منها الخوف، سلطة المذنب المتحرش، الخوف على ضياع وظيفة ورزق، الخوف من العار اللي بيلحق بالضحية وده شائع جدًا في مجتمعنا، أو الصدمة النفسية الهائلة إن الفرد ينتهك على يد شخصية دينية قيادية يرتجى منها العلم والإرشاد. لو الهدف الهدم كنا أضفنا الإسم.

طبعا انا عارفه بتلمحي علي مين والغريب الناس اللي بتتناقل روايات وقصص انتي حتي معندكيش عليها دلائل حكايات تموت نفوس وتزهق ارواح من القهر والذل االي بيشوفوه ومحدش فيكو يمكن حتي يعرف بطب الروايات اللي الاستاذة بطالب بوقفه عن نشر الدعوة لكن اهو تواتر قصص والسلام ولو افترضنا ان الحكايات حقيقيه الانسان ده بقالو سنين والاحداث دي من سنين مكلفتوش نفسكو حتي تعرفو عنه شئ غير انكو مبتظهروش غير لما يبتدي هو يطلع للنور مش جايز بردو انه يكون اتغير اتعلم ندم ولا ده مش موجود فقاموس الاستاذة اللي هدفها الوحيد هدم شخص لا حول له ولا قوة اتقي الله

لابد من التحقيق

عفوا، هل قصدك وكمان منع النصابين والمزورين؟ شكرًا،