Die doel van hierdie petisie teen die Wetsontwerp op Onteiening en die Wetsontwerp op die Regulering van Grondbesit is om publieke steun te mobiliseer teen hierdie uiters gevaarlike en potensieel hoogs skadelike voorgestelde wetgewing. Die werklike beweegrede agter die wetsontwerpe is om instrumente te skep vir inpalming van grond en ook alle ander eiendom, sonder vergoeding.

Die petisie is daarop gemik om soveel publieke steun teen voorgenome grondgryp en staatsdiefstal van eiendom op te bou, dat die Parlement sal afsien van albei hierdie wetsontwerpe en dit vir alle praktiese doeleindes begrawe. SA moet 'n land van vryheid bly en mense moet nie bedreig word oor hul grond en eiendom wat hulle regmatig en met hul sweet en geld verkry het nie.

Ditsem Nuus hoop om 250 000 elektroniese handtekeninge ter ondersteuning van hierdie petisie te kry voor 30 April 2017 waarna ons die petisie met die handtekeninge elektronies formeel aan die Parlement wil voorlê.