Stefnum börnum ekki í hættu

Við undirrituð mótmælum harðlega fyrirhuguðum aðgerðum Mosfellsbæjar um að börn fædd 2008 og 2009 verði sett í Brúarland sem mun heita Helgafellsskóli í staðinn fyrir að hefja nám í Varmárskóla eins og áætlað var.
Það getur skapað erfiðleika fyrir börn á þessum aldri að skipta um skóla tvisvar á stuttu tímabili, þau eiga nóg með að aðlagast nýju umhverfi og nýju dagsskipulagi.
Með því að hafa þau sér í Brúarlandi er tekið af þeim börnum sem eiga eldri systkini að fá að hefja skólagöngu með stuðningi þeirra og handleiðslu. Systkin geta ekki gengið saman í og úr skóla. Þau yrðu ekki saman í frístundaseli og þurfa foreldrar bæði að keyra og sækja börn í sitthvorn skólann.
Einnig er ekki samræmi á milli kennslutíma í Varmárskóla og Helgafellsskóla sem veldur frekari röskun á skipulagi heimila og auknum kostnaði. Það er fyrirséð að sérkennsla yrði af skornum skammti eða slakari en í Varmárskóla þar sem sérmenntaðir kennarar eru. Þau hefðu heldur ekki aðgang að bókasafni líkt og í Varmárskóla.
Í Brúarlandi er hávaðamengun og verða mikil læti þegar stórir trukkar keyra framhjá. Einnig er mengun frá umferðinni sem smýgur inn í húsnæðið og yrði á væntanlegri lóð fyrir utan. Sjónmengun er mikil. Þar sem Brúarland er aðeins um 10 metra frá Vesturlandsvegi teljum við að ekki verða hægt að uppfylla umferðaröryggi barna þrátt fyrir girðingu meðfram vegi.

Við viljum að börnin séu í Varmárskóla og njóti þess sem Varmárskóli hefur upp á að bjóða, þar eru m.a. sérhæfir kennarar sem kenna sköpunargreinar en ekki einungis einn "fjölhæfur" kennari sem kennir allt eins og áformin eru í Brúarlandi. Stór hluti þess þroska sem börn taka út þegar þau hefja skólagöngu felst jafnframt í því að verða hluti af skólasamfélagi þar sem þau taka þátt í fjölbreyttu starfi og læra af eldri börnum.
Við förum fram á að færanlegum kennslustofum verði komið fyrir við Varmárskóla eða Bólið notað undir kennslu svo kennsla geti hafist í Varmárskóla næsta haust þegar börn fædd 2008 byrja skólagöngu sína.

Að setja börnin í Brúarland kemur ekki til greina af okkar hálfu og krefjumst við að undirbúningur og áætlanir verði stöðvaðar nú þegar.

Discussion

Discussion is disabled for this petition.

Recent signatures

  • username

    Hjörvar Hjörvarsson, Iceland

    8 months ago Comments: -
  • username

    Birgitta Vigfúsdóttir, Iceland

    8 months ago Comments: -
  • username

    GuðRún , Iceland

    8 months ago Comments: Þetta er alger firra að setja börnin í Brúarland, þetta er bara eins og að henda þeim útá götuna! og svo tala ég nú ekki um meinguninna þarna.
See more

Petition highlights

  • Látum í okkur heyra!