Përshëndetje të gjithëve. Idenë që e kam nisur per këtë peticion online, është për të mbështetur krijimin e një parku të qenve. Përmes aplikacionit tentojmë të mbledhim sa më shumë mbështetës në lidhje me krijimin e një parku të qenve. Kjo krejt vije nga vështirësitë që na hasen mua si pronar i një qeni dhe shumë pronarëve të tjerë që kanë nevoja për hapësira të caktuara për qenët. Kjo do të ishte një mundësi e mirë edhe për shoqërimin e qenve dhe një vendi të caktuar ku ne si pronar nuk do të brengoseshim për qytetarët që në një formë apo tjetër kanë frikë prej qenve. Ata detyrohen shpesh të ndërrojnë rrugë që të mos takohen me personat që janë nën shoqërinë e një qeni. E mos t’i përmendim edhe konfliktet dhe sulmet ndaj kafshëve tona, që jo rrallëherë përballemi në qdo cep të qytetit. Shpresoj se ideja do të marrë përkrahjen tuaj dhe do ta merrni parasysh. Gjithë të mirat.