Framsóknarflokkurinn hefur lagt til að peningakerfi Íslendinga verði breytt úr brotaforðakerfi í heildforðakerfi. Hér á Íslandi gæti einföld breyting yfir í heildarforðakerfi lækkað ríkisskuldir um hundruði milljarða, dregið úr verðbólgu, lækkað vexti og dregið úr skuldasöfnun almennings og fyrirtækja. Áhættan er lítil því það er auðvelt að afturkalla umræddar breytingar ef þær skila ekki tilætluðum árangri. Sjá nánar hér: www.betrapeningakerfi.is Sett yrði á fót peningamagnsnefnd sem myndi starfa óháð framkvæmdavaldinu. Hlutverk nefndarinnar væri að meta reglulega hvort þörf væri á að auka peningamagn í samræmi við hagvöxt eða önnur þjóðhagsleg viðmið. Markmið peningamagnsnefndar yrði að stuðla að stöðugleika út frá þjóðhagslegum markmiðum. Nefndinni væri sérstaklega meinað að auka peningamagn til fyrirfram ákveðinna verkefna. Framsóknarflokkurinn óskar eftir tilefningum óháðra aðila í peningamagnsnefndina. Ef þú hefur áhuga á að taka þátt, skráðu þig hér á síðuna og við höfum samband þegar valið verður úr umsóknum.