بۆ: پەرلەمانی کوردستان سەرۆکایەتی هەرێمی کوردستان ئەنجومەنی وەزیرانی حکومەتی هەرێمی کوردستان وەزارەتی تەندروستی سەندیکای پزیشکانی کوردستان یاداشت: سەندیکای پزیشکان بۆ ماوەی ١٠ ساڵ دەچێت کۆنگرەی نەبەستووە. ئەم دواکەوتنە هیچ پاساوێکی نیەو دژە بە پەێرەوی ناوخۆی سەندیکای پزیشکانی کوردستان. ئێمە، ئەو پزیشکانەی لە خوارەوە واژۆمان کردووە، داوادەکەین بە زووترین کات سەندیکای پزیشکان ئامادەکاری بکات بۆ بەستنی کۆنگرەی ئاسایی خۆی. بەپێچەوانەوە، داوا لە داواکاری گشتی و لایەنە پەیوەندیدارەکان دەکەین کە ئەم سەندیکای ڕووبەڕووی بەرپرسیارێتی یاسایی بکاتەوە و شەرعیەتی یاسایی لێبسەنێتەوە و دەستەیەکی کاتی هەڵبژێردرێت کە کاروبارەکانی سەندیکا تا بەستنی کۆنگرە بەڕێوەببات.