Petition to Resign

Tsaw ra ai rau hkam sha hkrum nga ai mung shawa masha ni e, Jinghpaw wunpawng Amyu sha ni KIO a Tingyang up malai 1 Dukaba Gauri Zau Seng hte Tingyang up malai 2 Dukaba Manam Tu Ja yan KIO ginjaw salang kaw na pru nna hkring sa mat na tang shawng dat ai. Shawng ningnan, Tingyang up Malai 1 Dukaba Gauri Zau Seng hte Tingyang up malai 2 Dukaba Manam Tu Ja yan gaw tinang amyu sha lawt lu lam a matu grai shakut shaja lai wa sai rawt malan ningbaw ningla lahkawng rai nga ai. Raitim, KIO ni Myen gumshen hpye hte gap hkat jahkring la ngut ai hpang gaw Hpyen hpe hpyen hku n yu, Jinghku shatai, amyu sha lawt lu lam hpe madung n da, tinggyen akyu tam mung masa ginsup shachyai ai mung masa la hku rai mat ai gaw amyu sha yawng a matu yawn hpa lam rai sai hku re. Du kaba Gauri Zau Seng gaw, KIO hpe Kachin Progressive Party hku mying galai nna lang hte lang shakut lai wa sai hte maren, tinang KIO hte amyu sha ni a lu gin lu ang ai mung masa ahkaw ahkang lu hkra tut nawng shakut na malai, hpyen wa jaw ai daram la na ngu ai masa hpe hkap la ai wa rai nga ai. Myen hpyen gum shen ladat tutnawng dinggrin lu na matu hpyen wa a 2008 ning May shata hta atik anang shagrin da ai gaw da ai tara hpe mung KIO u hpung hku nna hkap la hkra chye nga dinglen woi awn ningshawn tai wa sai rai nga ai. Ya ga jarit sin dap de galai shai na matu hpyen wa e atik anang galaw ai masing hta asan sha ninghkap ningdan kau na malai lam amyu myu hku bawnu shachyai let, KIO mying hte ninggawn yaw shada lam hpe galai shai lu hkra nga, Jinghpa w Mungdaw makawp maga dap (Kachin State Defence force) ngu ai hpyen wa a ninggawn masa (strategic aim) hpe hkap la ai wa rai nga sai. Kadai mung tinang hkap la kam sham ai hpe n dut ndang hkap la hkam sham mai ai raitim, anhte Jinghpaw Wunpawng Amyu sha ni a mung masa gaw amyu sha lawt lam rawt malan mung masa naw re nga ai majaw, rawt malan hpung KIO ginjaw salang n tai gring sai hte maren hkring sa na matu hpyi shawn dat ai. Dukaba Dr. Manam Tu Ja gaw, Myen hpyen ni woi galaw ai National Convention de KIO dakkasa woi awn ningshawn tai nna shang lawm lai wa sai rai nga ai. 2004 ning hte 2007 ning hta tinang KIO ni ra sharawng ai madu up hkang masa lai len hpe tang shawng lai wa sai hpe hpyen ni ningdan kau ya ai raitim dai NC gaw hpyen wa a masu magaw mung shawa zuphpawng rai nga ai hpe chye nga dinglen 2007 ning May shata na NC ginchyum dat hpawng hta yawng a malai hku Hpyen wa a Prime Minister Sein Win de NC hpe awng dan ai hte shangut la sai lam hpe gaya n si mung masha a man e ap ya lai wa sai rai nga ai. KIO hpe mying galai mayu, KIO kaw na pru nna Myen hpyen ni a mayam galaw lamang 7 hta ra lata poi shang, Kachin State Minister byin mayu ai, ting gyen ahkyu ara tam masa hku nna pranwan komiti nga hpaw ninghtan shakut nga ai wa mung rai nga ai. Ya hkayk hkayk, KIO hpe ga jarit sin dap de galai shai la lam hpyen wa e atik anang galaw ai lam hpe mung, amyu sha yawng a shawng lam lawt lu lam hpe n yu ai sha, hpyen wa hpe jinghku shatai mayu ai majaw, hpyen wa a ninggaw masa (strategic aim) hpe hkap la ai ting gyen akyu tam ningbaw langai tai mat sai re majaw, amyu lawt lu lam hpe madung da ai KIO u hpung kaw na pru nna hkring sa la ra sai lam hpyi shawn dat ai. Amyu sha yawng a lawt lu lam hpe ra sharawng ai ni yawng ta masat jahkrat ka shalawm dat ga ai. Tang shawn ai ni,

Sponsor

Mung Shawa hpe masu nna mung masa galaw masu ai ni hpe ninghkap ai ni.

Discussion

No comments yet.

join the discussion

Recent signatures

  • username

    Lahtaw Zau SengIndia

    5 years ago
  • username

    kangkaThailand

    5 years ago
  • username

    lattlattThailand

    5 years ago
See more

Petition highlights

There are no highlights yet.