Kaming mga mag-aaral ng Ateneo de Manila ay umaapela sa mga kapwa estudyante at mga mamamayan na nagmamahal sa Pilipinas at sa ating kalikasan, na suportahan ang kampanya ng KAPUNCAN para sa pagpapatuloy nang kanilang pangangalaga sa nasasakupan ng Mt. 387. Aming personal na natunghayan nitong nakaraang Hulyo ang kanilang masinsinang pangangalaga pati na rin ang mga nagawa nilang pagbabago't pagpapabuti sa kalagayan ng lugar simula ng mabuo ang kanilang organisasyon noong 2007. Ang mga myembro ay tulong-tulong na gumagawa ng tree-planting activities pati pag-patrol sa lugar laban sa mga sunog, treasure hunters at mga gumagawa ng uling na illegal na pumuputol ng mga puno. Naniniwala kami na pinaka-mainam na pahintulutan natin sila na ipagpatuloy ang mga programang kanilang nasimulan para sa Mt. 387, sa halip na malipat ang bundok sa kamay ng mga opisyal o organisasyon na may mga pansariling motibo lamang.